ആലത്തൂരിൽ യുഡിഎഫ് സ്ഥാനാർത്ഥി രമ്യതന്നെ
![REMYA](https://keralavoter.com/static/c1e/client/97483/uploaded/813c0257e17fd3921d8bee0555f489ae.jpg)
മണ്ഡലം രൂപീകരിച്ച കാലം മുതല് ചുവന്ന ആലത്തൂരില് നിന്നും അട്ടിമറി വിജയം നേടിയാണ് രമ്യാ ഹരിദാസ് കഴിഞ്ഞ തവണ ലോക്സഭയിലേക്കെത്തിയത്. യുഡിഎഫ് പാളയത്തെ പോലും ഞെട്ടിച്ച ഭൂരിപക്ഷം രമ്യ പെട്ടിയിലാക്കി. കൈവിട്ട സംവരണമണ്ഡലം ഏത് വിധേനയും തിരിച്ചുപിടിക്കാനുള്ള പ്ലാന് എല്ഡിഎഫില് ഒരുക്കുമ്പോള്, 20-20 വിജയ ലക്ഷ്യത്തില് നിന്നും യുഡിഎഫിന് ഒരടി പിന്നോട്ട് പോകാനാകില്ല.
പുതുമുഖമായി മണ്ഡലത്തിലെത്തി ലോക്സഭയിലേക്ക് പോയ രമ്യാ ഹരിദാസ് വീണ്ടും ആലത്തൂരില് യുഡിഎഫ് സ്ഥാനാര്ത്ഥിയായി ജനവിധി തേടും. കണ്ണൂര്, ആലപ്പുഴ ഒഴികെയുള്ള മണ്ഡലങ്ങളില് സിറ്റിംഗ് എംപിമാര് തന്നെ മത്സരിക്കട്ടെയെന്നും സിറ്റിംഗ് എംപിമാര്ക്കെല്ലാം വിജയ സാധ്യതയുണ്ടെന്നുമുള്ള യുഡിഎഫ് വിലയിരുത്തലിലാണ് രമ്യക്ക് സാധ്യത തെളിയുന്നത്. 2019 ല് എല്ഡിഎഫ് സ്ഥാനാര്ത്ഥിയായിരുന്ന പി കെ ബിജുവിനെക്കാള് 16 ശതമാനം വോട്ട് നല്കിയായിരുന്നു ആലത്തൂരില് രമ്യാ ഹരിദാസ് വിജയിച്ചത്.