കെഎസ്ആര്ടിസി ബസിടിച്ച് ചികിൽസയിലായിരുന്ന സ്കൂട്ടർ യാത്രികർ മരിച്ചു
![accident](https://keralavoter.com/static/c1e/client/97483/uploaded/f4b7780092eec6bb2a5e4a285ecad3ff.jpg)
കെഎസ്ആര്ടിസി ബസിടിച്ച് പരിക്കേറ്റ രണ്ട് സ്കൂട്ടർ യാത്രികരും മരിച്ചു. പൊടിയാടി പെരിങ്ങര സ്വദേശികളായ സോമന്, മോഹനന് എന്നിവരാണ് മരിച്ചത്. എടത്വ-തകഴി സംസ്ഥാന പാതയില് കേളമംഗലം പറത്തറ പാലത്തിന് സമീപം ഇന്നലെ രാവിലെ 8 മണിക്കായിരുന്നു അപകടം. ഇടിയുടെ ആഘാതത്തില് സ്കൂട്ടര് നൂറ് മീറ്ററോളം നിരങ്ങി മാറിയാണ് നിന്നത്. സ്കൂട്ടറില് നിന്ന് യാത്രക്കാര് തെറിച്ചു വീണാണ് ഗുരുതര അപകടം സംഭവിച്ചത്. തകഴിയിലെ തടിമില്ലിലെ പണിക്കാരാണ് ഇരുവരും. തിരുവല്ലയിലേക്ക് പോവുകയായിരുന്ന ചേര്ത്തല ഡിപ്പോയിലെ ബസാണ് ഇടിച്ചത്.