വയനാട് മാനന്തവാടിയിൽ പിതാവിനെ മകൻ വെട്ടിക്കൊന്നു. എടവക സ്വദേശി 63 വയസുള്ള ബേബിയാണ് കൊല്ലപ്പെട്ടത്. മകൻ റോബിനെ പോലീസ് കസ്റ്റഡിയിലെടുത്തു. രാത്രി 11 മണിയോടെ വീട്ടിലെത്തിയ റോബിന് പിതാവ് വാതിൽതുറന്ന് കൊടുത്തിരുന്നില്ലെന്നും തുടർന്ന് മകൻ വാതിൽ ചവിട്ടിപ്പൊളിച്ചെന്നും നാട്ടുകാർ പറയുന്നു. ഇതിച്ചൊല്ലിയുള്ള വാക്കേറ്റത്തിലാണ് ബേബിക്ക് കുത്തേറ്റത്.

ബേബിയുടെ നെഞ്ചിൽ കുത്തേറ്റതിന് പിന്നാലെ മാനന്തവാടി മെഡിക്കൽ കോളജിൽ എത്തിച്ചിരുന്നു. ഇവിടെ ചികിത്സക്ക് ആവശ്യമായ സൗകര്യമില്ലാത്തതിനാൽ കോഴിക്കോട് മെഡിക്കൽ കോളജിലേക്ക് റെഫർ ചെയ്യുകയായിരുന്നു. ഐസിയു ആംബുലൻസ് എത്തിക്കുന്നതിന് മുൻപ് തന്നെ ബേബി മരിച്ചിരുന്നു.