യുവരാഷ്ട്രീയ നേതാവിനെതിരായ വെളിപ്പെടുത്തലിൽ ഉറച്ച് നിൽക്കുന്നതായി പുതുമുഖ നടി റിനി ആൻ ജോർജ് പറഞ്ഞു. ഇപ്പോൾ പേര് വെളിപ്പെടുത്താൻ തയാറല്ലെന്നും ആ നേതാവ് ക്രിമിനൽ ബുദ്ധിയുള്ളയാളാണെന്നും റിനി പറഞ്ഞു. അദ്ദേഹം ഇപ്പോഴും അടുത്ത സുഹൃത്താണെന്നും ഇനിയെങ്കിലും അദ്ദേഹം നവീകരിക്കപ്പെടണമെന്നും റിനി പറഞ്ഞു. തനിക്ക് കടുത്ത സൈബർ ആക്രമണം നേരിടുന്നുണ്ടെന്നും റിനി പറഞ്ഞു. വെളിപ്പെടുത്തൽ നടത്തിയപ്പോൾ മുതൽ സൈബർ ആക്രമണം നേരിടുന്നുണ്ട് എന്നാണ് റിനി വ്യക്തമാക്കുന്നത്. 

ആ നേതാവിന്റെ ഭാഗത്ത് നിന്നടക്കമാണ് സൈബർ ആക്രമണം ഉണ്ടാകുന്നത്. അത് അദ്ദേഹത്തെ കൂടുതൽ പ്രതിരോധത്തിലാക്കുകയെ ഉള്ളൂവെന്ന് റിനി ആൻ ജോർജ് വ്യക്തമാക്കി. തന്റെ ഭാഗത്ത് സത്യമുണ്ടെന്നും താൻ ഈ ആരോപണം ഉന്നയിച്ച ശേഷം ഇയാളിൽ നിന്നും സമാനമായ അനുഭവങ്ങൾ ഉണ്ടായ ഒരുപാട് സ്ത്രീകൾ തന്നെ വിളിച്ചിരുന്നതായും റിനി മാധ്യമങ്ങളോട് പറഞ്ഞു.