തിരുവനന്തപുരത്ത് കെ എസ് യു നടത്തിയ സെക്രട്ടേറിയേറ്റ് മാർച്ചിനിടെ പൊലീസിനും പ്രവർത്തകർക്കും ഇടയിൽ സംഘർഷമുണ്ടായി. പൊലീസ് അതിക്രമത്തിൽ പ്രതിഷേധിച്ച് കെ എസ് യു വിൻറെ നേതൃത്വത്തിൽ നാളെ സംസ്ഥാനവ്യാപക വിദ്യാഭ്യാസ ബന്ദ് പ്രഖ്യാപിച്ചു.

സെക്രട്ടേറിയേറ്റ് മാർച്ചിനിടെ നിരവധി പ്രവർത്തകർക്ക് പരുക്കേറ്റിട്ടുണ്ട്. പൊലീസ് പ്രവർത്തകർക്ക് നേരെ ജലപീരങ്കി പ്രയോഗിച്ചു. ലാത്തി ചാർജും നടത്തി. പൊലീസിന് നേരെ കല്ലേറുണ്ടായി. സമരത്തിനിടെ കെ എസ് യു സംസ്ഥാന അധ്യക്ഷൻ അലോഷ്യസ് സേവ്യറിന് പരുക്കേറ്റു. സർക്കാരിന്റെ വികലമായ വിദ്യാഭ്യാസ നയത്തിനെതിരെയാണ് കെ എസ് യു സംസ്ഥാന കമ്മിറ്റി സെക്രട്ടറിയേറ്റ് മാർച്ച് സംഘടിപ്പിച്ചത്.