വെറും ഒറ്റത്തവണത്തെ ഉപയോഗത്തിലൂടെ മാസങ്ങളോളം മുടി കട്ടക്കറുപ്പാക്കാൻ കഴിയുന്ന ഒരു ഹെയർ ഡൈ പരിചയപ്പെടാം. ഇതിന് ആവശ്യമായ സാധനങ്ങൾ എന്തൊക്കെയാണെന്നും എങ്ങനെയാണ് തയ്യാറാക്കേണ്ടതെന്നും നോക്കാം. ഇതേ രീതിയിൽ കൃത്യമായി ചെയ്‌താൽ ശരിയായ ഫലം ലഭിക്കുന്നതാണ്.

ആവശ്യമായ സാധനങ്ങൾ

ചകിരി പൊടിച്ചത് - 2 ടേബിൾസ്‌പൂൺ

താളിപ്പൊടി - 2 ടേബിൾസ്‌പൂൺ

നെല്ലിക്കപ്പൊടി - 2 ടേബിൾസ്‌പൂൺ

തേയില തിളപ്പിച്ച വെള്ളം - ആവശ്യത്തിന്

തയ്യാറാക്കുന്ന വിധം

ഒരു ഇരുമ്പ് ചീനച്ചട്ടിയിൽ ചെറുതായി അരിഞ്ഞെടുത്ത ഉണക്കച്ചകിരി ഇട്ട് ചൂടാക്കി കരിച്ചെടുക്കുക. തണുക്കുമ്പോൾ ഇതിനെ പൊടിച്ച് അരിച്ചെടുക്കണം. ശേഷം അതേ ഇരുമ്പ് ചീനച്ചട്ടിയിലേക്ക് 2 ടേബിൾസ്‌പൂൺ ചകിരി കരിച്ച പൊടി, താളിപ്പൊടി, നെല്ലിക്കപ്പൊടി എന്നിവ ചേർക്ക് തേയില തിളപ്പിച്ച വെള്ളം കൂടി ചേർത്ത് യോജിപ്പിച്ച് ‌ഡൈ രൂപത്തിലാക്കി എട്ട് മണിക്കൂർ അടച്ച് വയ്‌ക്കുക. ശേഷം ഉപയോഗിക്കാവുന്നതാണ്.

ഉപയോഗിക്കേണ്ട വിധം

നന്നായി കഴുകി വൃത്തിയാക്കി ഉണക്കിയ മുടിയിലേക്ക് ഡൈ പുരട്ടിക്കൊടുക്കുക. ഒന്നോ രണ്ടോ മണിക്കൂർ വച്ചശേഷം കഴുകി കളയാവുന്നതാണ്.