വിദേശരാജ്യങ്ങൾ യാത്ര ചെയ്യാൻ ആഗ്രഹിക്കാത്തവരായി ആരും തന്നെ ഉണ്ടാകില്ല. മറ്റ് രാജ്യങ്ങളുടെ സംസ്കാരം, ഭക്ഷണം, ഭാഷ, കാഴ്ചകൾ എന്നിവ മനസിലാക്കുന്നത് വളരെ നല്ലതാണ്. എന്നാൽ വിദേശരാജ്യങ്ങളിൽ യാത്ര ചെയ്യുമ്പോൾ ശ്രദ്ധിക്കേണ്ട ചില കാര്യങ്ങളുണ്ട്. അവ എന്തൊക്കെയാണെന്ന് നോക്കിയാലോ?

വിദേശരാജ്യത്ത് പോകാൻ ആഗ്രഹിക്കുന്നുണ്ടെങ്കിൽ ആദ്യം നിങ്ങൾ പരിശോധിക്കേണ്ടത് നിങ്ങളുടെ പാസ്‌‌പോർട്ടാണ്. നിങ്ങൾക്ക് പാസ്‌പോർട്ട് ഇല്ലെങ്കിൽ അതിനായി അപേക്ഷ അയക്കുക. വിദേശരാജ്യത്ത് എത്തിയാൽ നിങ്ങളുടെ കെെയിലുള്ള പണം മാറ്റി അവിടത്തെ കറൻസി ആക്കുക. ഇവിടത്തെ പണം അവിടെ ഉപയോഗിക്കാൻ കഴിയില്ലെന്നതാണ് കാരണം.

നേരത്തെ പണം എക്സ്ചേഞ്ച് ചെയ്താൽ നിങ്ങളുടെ യാത്ര എളുപ്പമാകും. വിമാന ടിക്കറ്റുകളും വിദേശത്ത് എത്തിയാൽ താമസിക്കാൻ ബുക്ക് ചെയ്ത് സ്ഥലത്തിന്റെ രേഖകളും സൂക്ഷിക്കണം. ഇവ വളരെ പ്രധാനപ്പെട്ട രേഖകളിൽ ഒന്നാണ്. നിങ്ങളുടെ മരുന്ന്, പ്രധാന സാധനങ്ങൾ എന്നിവ എടുക്കാൻ മറക്കരുത്.

യാത്ര പോകുന്നതിന് മൂന്ന് ദിവസം മുൻപ് കൊണ്ടു പോകേണ്ട സാധനങ്ങളുടെ ലിസ്റ്റ് തയ്യാറാക്കി അതനുസരിച്ച് പ്രവൃത്തിച്ചാൽ മറക്കാതെ എല്ലാം എടുത്ത് വയ്ക്കാൻ കഴിയുന്നു. ഒരു രാജ്യത്ത് പോകുവാൻ ഉദ്ദേശിക്കുന്നുണ്ടെങ്കിൽ അവിടെ പോകാൻ ആഗ്രഹിക്കുന്ന സ്ഥലങ്ങൾ നേരത്തെ പ്ലാൻ ചെയ്ത് വയ്ക്കുക. ഇത് സമയനഷ്ടം കുറയ്ക്കാൻ സഹായിക്കുന്നു. പോകുന്ന സ്ഥലത്തെ കാലാവസ്ഥ അനുസരിച്ചുള്ള വസ്ത്രങ്ങൾ കൊണ്ടുപോകാൻ ശ്രദ്ധിക്കണം.

നിങ്ങൾ വിദേശരാജ്യങ്ങളിൽ പോകുമ്പോൾ അവിടെത്തെ നിയമങ്ങളെക്കുറിച്ച് പരിശോധിക്കേണ്ടതാണ്. ഓരോ രാജ്യത്തും വ്യത്യസ്ത നിയമങ്ങളാണ് ഉള്ളത്. പിന്നെ പ്രധാനപ്പെട്ട ഒന്നാണ് വിസ നടപടികൾ. നിങ്ങളുടെ പോകാൻ ആഗ്രഹിക്കുന്ന രാജ്യത്തിന്റെ നടപടി ക്രമങ്ങൾ പാലിച്ച് വിസയ്ക്ക് അപേക്ഷിക്കണം.