എത്ര സമയമെടുത്ത് ഒരുങ്ങിയാലും പുരികം കട്ടിയില്ലെങ്കിൽ എന്തോ ഒരു കുറവുള്ളതുപോലെ മിക്കവരുടെയും മുഖത്ത് തോന്നിക്കാറുണ്ട്. പുരികത്തിന് കട്ടി തോന്നിക്കാനായി ഐബ്രോ പെൻസിൽ, ഐബ്രോ ജെൽ തുടങ്ങിയ വസ്തുക്കൾ ഉപയോഗിക്കുന്നവരും ധാരാളമുണ്ട്.

എന്നാൽ, ഇത്തരത്തിലുള്ള സാധനങ്ങൾ ശരിയായി ഉപയോഗിച്ചില്ലെങ്കിൽ വിചാരിക്കുന്ന ഫലം കിട്ടില്ല. ഈ മാർഗങ്ങളൊന്നുമില്ലാതെ പുരികം എങ്ങനെ നാച്വറലായി ഭംഗിയുള്ളതും കട്ടിയുള്ളതുമാക്കാം എന്നതിനെ പറ്റിയാണ് ഇനി പറയാൻ പോകുന്നത്. ഇത് ശരിയായി ചെയ്ത് കഴിഞ്ഞാൽ നിങ്ങൾക്ക് പുരികം ത്രെഡ് ചെയ്യേണ്ട ആവശ്യം പോലും വരുന്നില്ല. ഇത് ചെയ്യേണ്ടത് എങ്ങനെയെന്ന് നോക്കാം.

ആവശ്യമായ സാധനങ്ങൾ

മൈലാഞ്ചി ഇല - ഒരു പിടി

ആവണക്കെണ്ണ - ആവശ്യത്തിന്

തയ്യാറാക്കുന്ന വിധം

മൈലാഞ്ചി ഇല നന്നായി ചൂടാക്കി കരിച്ചെടുത്ത ശേഷം തണുക്കുമ്പോൾ പൊടിച്ചെടുക്കുക. ഇതിനെ തരിയില്ലാതെ അരിച്ചെടുക്കണം. ശേഷം ഈ പൊടി ഒരു പാത്രത്തിലേക്ക് മാറ്റി അതിലേക്ക് ആവണക്കെണ്ണ ഒഴിച്ച് നന്നായി യോജിപ്പിക്കുക.

ഉപയോഗിക്കേണ്ട വിധം

രാത്രി ഉറങ്ങുന്നതിന് മുമ്പ് പുരികത്ത് ഈ കൂട്ട് തേച്ച് പിടിപ്പിക്കുക. ശേഷം അഞ്ച് മിനിട്ട് മസാജ് ചെയ്യുക. രാവിലെ കഴുകി കളയാവുന്നതാണ്.